in

Aaj Ke Insaan Ko Lyrics

Aaj Ke Insaan Ko Song Lyrics

English

Aaj ko insan ko ye kya ho gaya
Kiska purana pyar kaha par kho gaya
Kaisi ye manhus ghadi hai
Bhaiyo mein jung chhidi hai
Kahi pe khun kahi par jwala
Jane kya hai hone wala
Sabka matha aaj jhuka hai
Azadi ka jhulush ruka hai
Charo aur daga hi daga hai
Har chure par khun laga hai
Aaj dukhi hai janta sari
Rote hai lakho nar nari
Rote hai aangan galiyare
Rote aaj mohalle sare
Roti salma soti hai sita
Roti hai kuran or geeta
Aaj himalya chillata hai
Kaha purana wo nata hai

Das liya sare desh ko jahri nago ne
Ghar ko laga di aag ghar ke charago ne
Apna desh wo desh tha bhai
Lakho bar musibat aayi
Insano ne jan gawai
Par bahno ki laz bachai
Lekin ab wo bat kaha hai
Ab to kewal ghat yaha hai
Chal rahi hai ulti hawaye
Kaap rahi thar thar ablaye
Aaj har ek aachal ko hai khatra
Aaj har ek ghunghat ko hai khatra
Khatre mein hai laz bahan ki
Khatre mein chudiya dulhan ki
Darti hai har paon ki payal
Aaj kahi ho jaye na ghayal
Aaj salamat koi na ghar hai
Sabko lut jane ka dar hai
Hamne apne watan ko dekha
Aadmi ke patan ko dekha
Aaj to bahno par bhi hamla hota hai
Dur kisi kone me majhab rota hai
Kiske sar ilzam dhare hum
Aaj kaha fariyad kare hum
Karte hai jo aaj ladai
Sabke sab hai apne hi bhai
Sabke sab hai yaha apradhi
Haye mohabbat samne bhuladi
Aaj bahi jo khun ki dhara
Doshi uska samaj hai sara
Suno jara o sunne walo
Asman par najar ghumalo
Ek gagan mein karodo tare
Rahte hai hilmil kar sare

Kabhi na wo aapas mein ladte
Kabhi na dekha unko jhagadte
Kabhi nahi wo churre chalate
Nahi kisi ka khun bahate
Lekin is insan ko dekho
Dharti ki santan ko dekho
Kitna hai ye haye kamina
Isne lakho ka sukh china
Ki hai isne jo aaj tabahi
Denge uski mukhde gawahi
Aapas ki dusmani ka ye anzam hua
Dunia hasne lagi desh badnam hua
Kaisa ye khatre ka pahar hai
Aaj hawao mein bhi jahar hai
Kahi bhi dekho baat yahi hai
Haye bhayanak raat yahi hai
Maut ke saye mein har ghar hai
Kab kya hoga kise khabar hai
Band hai khidki band hai dware
Baithe hai sab dar ke mare
Kya hoga in becharo ka
Kya hoga in lacharo ka
Inka sab kuchh kho sakta hai
Inpe hamla ho sakta hai
Koi rakshak najar nahi aata
Soya hai aakash pe data
Ye kya hal hua apne sansar ka
Nikal raha hai aaj janaja pyar ka.

“Aaj Ke Insaan Ko” Song Info:

Movie:Amar Rahe Ye Pyar (1961)
Singer(s):Ramchandra Baryanji Dwivedi (Kavi Pradeep)
Lyricist(s):Ramchandra Baryanji Dwivedi (Kavi Pradeep)
Composer(s):Ramchandra Narhar Chitalkar (C. Ramchandra)
Music Director(s):Ramchandra Narhar Chitalkar (C. Ramchandra)
Genre(s):Philosophical
Director(s):Prabhu
Music Label:© Saregama
Starring:Rajendra Kumar, Nalini Jaywant, Nanda
Lyricsbogie Team

Posted by Lyricsbogie Team

LyricsBogie Team loves all type of bollywood songs and punjabi songs released everyday. LB Team keeps you updated with all kind of new song lyrics in hindi so you can enjoy your favorite latest music at fullest. If you have not subscribed LyricsBogie yet, please consider subscribing us via email or press on Allow notification button in your browser.

Comments

Leave a Reply

Your email address will not be published. Required fields are marked *

Loading…

0