Movie Index# A B C D E F G H I J K L M N O P Q R S T U V W X Y Z

Cycle Lyrics - UnErase Poetry (2019)

UnErase Poetry (2019) Songs Lyrics

Movie/album: UnErase Poetry (2019)

Singers: Yahya Bootwala

Song Lyricists: Yahya Bootwala

Music Composer: Pranav Kakkar

Music Director: Pranav Kakkar

Director: Ramneek Singh

Music Label: UnErase Poetry

Starring: Shweta Tripathi, Biswa Kalyan Rath, Bappadittya Sarkar

Cycle Song Lyrics

1 Star2 Stars3 Stars4 Stars5 Stars (No Ratings Yet)
Loading...Loading...

Cycle storytelling
Ek subah baaba aae mujhe utha kar bole yaahaya chal aaj main tumhen saikil chalaana sikhaata hoon
Yaar ab tak aaphataab ne bhee apanee aankhen kholee nahin thee
Aur main khud raat ko kaartoon dekh kar deree se soya tha
To mainne vahee kaha jo har bachcha bolata,
Theek hai baaba
Main jaise hee baahar gaya vahaan par ek naee chamachamaatee huee saikil mera intajaar kar rahee thee
Usako dekh kar mera naadaan sa man uchhal kood karane laga
Par jaise hee meree najar pichhale vaale pahie ke training whaiails kee gairamaujoodagee par gaee
Mera man phir baith gaya.
Jahen mein ek dar sa uth gaya tha,
Par jise baaba ne bhaap liya tha isalie unhonne kaha beta main hoon na!

To us chhotee see saikil kee chhotee see seet par
Mainne apanee chhotee see tashareef jamaee
Pendal par jor daala, paheee thoda ghoome aur saikil dagamagaate hue aage badhee
Jisase main khush tha par na jaane kyon baaba peechhe se kahe ja rahe the,
Hendal seedha rakho!
Are! Ye saikil daen ja rahee hai!
Paindal karana mat chhodo !!
Are gir jaogen…!!!!
Pahale din itanee?… Itanee kasarat kaun karaata hai??
Par baaba ye kasarat mujhe roj kara rahe the
Phir ek din achaanak meree saikil ne dagamagaana chhod diya
Khushee ke na maare main baaba ko peechhe mud ke ye kahana chaahata tha
Ki dekho baaba main saikil karana seekh gaya
Par baaba bahut dur khade the
Unhen itana door khada dekh main dara
Aur meree dar kee vajah se saikil phir dagamagaee aur pahalee baar giree
Meree tashareef jo seet par jamee huee thee vo jameen par aa giree thee
Baaba daude-daude peechhe se aae, thoda muskuraen
Mujhe uthaakar ghar le gae par na jaane kyon us din se girane ka ek ajeeb silasila shuroo ho gaya tha
Kyonki jahaan meree saikil ne dagamagaana chhoda
Main aur jab tak meree najar phir raste par padatee
Main khud raste par pada hota

To ek din mainne socha ki aaj to is dar kee aisee kee taisee karoonga
To mainne apanee saikil ko bhagaana shuroo kiya
Itana tej baaba peechhe se chilla rahe then
Beta tum bahut tej ja rahe ho….!
Thoda dheema chalao!!…. Thoda dheema chalao…!!
Are!! Vo? Aage dekhon gadhdha hai…!
Are! Tum kisee se takara jaogen..!
Unakee saaree naseehat maano meree raphtaar mein kaheen gum see ho gaee thee
Ye jo hava chal bhee nahin rahee thee vo achaanak mujhe choomana shuroo kar chukee thee
Aur is raphtaar se bas mujhe mohabbat ho hee rahee thee ki achaanak mera pair phisala pendal se,
saikil phisalee main ghaseetate hue jameen par gira
Aur pahalee baar aankhon se aansoo aur ghutane se lahoo baha
Par asalee jakhm mere aham ko laga tha
Baaba daude-daude aae
Aaj bina muskurae mujhe utha kar ghar le gae
Aur bas itana kaha ki kal saikil mat chalaana

Par ab saikil mujhe chalaanee thee kyonki kal tak main gir raha tha apane dar kee vajah se,
Aaj jo main gira tha vo apanee bevakoophee kee vajah se
Ek cheej to main jaanata tha ki
Dar se to phir bhee lada ja sakata hai
Par bevakoophee!..bevakoophee ko na sudhaaro to usako doharaane kee aadat pad jaatee hai.

To agalee subah main utha sooraj se pahale
Saikil ko staind se hataaya aur meelon meel tak chala le gaya
Ek mod se ghumaakar, phir ghar laaya bina gire
Phir subah baaba ko mainne uthaaya hansate-hansate poora
Kissa sunaaya
Aur bas itana kaha ki baaba dekho main saikil chalaana aakhir mein seekh gaya
Baaba muskuraen aur javaab mein kaha ki
Beta too bas saikil chalaana nahin aaj too jindagee mein chalana bhee seekh gaya.

Unhonne mujhe bataaya ki kaise haindal hamaara dhyaan hai, pedal hamaaree mehanat!
Ye chalatee huee saikil hamaaree kaamayaabee
Jo chal rahee hai is raaste par jise kahate hain jindagee

Unhonne mujhe samajhaaya ki ghamand kee raphtaar
Mein aur insaanee rishton kee gadhdho mein main baar-baar giroonga
Aur mujhe uthana hai !
Saikil ko phir se khada karana hai!
Aur chalaate jaana hai tab tak jab tak maut kee khaee na aa jae.


Tags: Cycle song lyrics, hindi songs lyrics, Cycle lyrics from movie UnErase Poetry (2019), Cycle hindi lyrics

Note:

Share your favourite lines from lyrics by selecting the lines and click on "FShare" button that appears.

Comments

Facebook Share