Movie Index# A B C D E F G H I J K L M N O P Q R S T U V W X Y Z

Sahi Aur Galat Lyrics - UnErase Poetry (2019)

UnErase Poetry (2019) Songs Lyrics

Movie/album: UnErase Poetry (2019)

Singers: Sainee Raj

Song Lyricists: N/A

Music Composer: Tig3rbabu

Music Director: Tig3rbabu

Director: Ramneek Singh

Music Label: UnErase Poetry

Starring: Shweta Tripathi, Biswa Kalyan Rath, Bappadittya Sarkar

Sahi Aur Galat Song Lyrics

1 Star2 Stars3 Stars4 Stars5 Stars (No Ratings Yet)
Loading...Loading...

Sahee aur galat ka phaisala aakhir kaun karata hai
Meree kameej ka rang kisee ke lie sahee hoga
To mera pahanaava kisee ke lie galat
Kisee ke lie meree chamadee saanvalee hogee
To kisee ke lie mera munh kaala
Ye sahee aur galat ke beech mein kya hai
Jo na hee sahee hai aur na hee galat
Aur sahee nahin hai to kyon nahin hai??
Aur galat hai to
sahee kyon lagata hai??
Ye sahee aur galat ka phaisala aakhir kaun karata hai

Kisee ko khyaalon mein basaana sahee hai kya
Agar baahon mein koee aur ho
Aur jo baahon mein hai vo sahee nahin
To jo khyaalon mein hai vo, galat kaise??
Agar aapaka dil kisee ko baar-baar pukaare
Jise pukaarana naapaak ho
To kya ye galat hoga ki vo saamane aa jae
To use anadekha karana na gavaar ho
Aur vo saamane hai to kyon hai
Kya use pal bhar ke lie dekh lena bhee sahee nahin
Aur galat hai to sahee kya hai
Ye sahee aur galat ka phaisala aakhir kaun karata hai?

Agar choree karane kee saja milatee hai
To dil dukhaane kee saja bhee to milanee chaahie
Agar adaalaton mein ghar todane kee sunavaee kee jaatee hai
To ghar tabaah karane kee saja bhee to milanee chaahie
Agar apane jebon ko paison se bharana galat hai
To kisee ek insaan ko devata jaise poojana sahee hai kya?
Agar siyaasat ke naam par jang karavaana sahee hai
To desh bechane vaalon ko galat kahana galat kyon?
Aur agar dharm ke naam par bantavaara karavaana sahee hai
To aajaadee ke naam par naare lagaana galat kyon?
Kisee ek insaan se dil kholakar pyaar karana sahee hai
To jab vo kisee aur se karata hai to mujhe sahee kyon nahin lagata
Aur vo sahee hai to main galat kyon?
Ye sahee aur galat ke beech mein kuchh hota bhee hai kya??

Jab raat kee lokal dheeme kadamon se andheree steshan par aatee hai
To saaree auraten us par lapak jaatee hain
Ek hee dibba naseeb hota hai auraton ko 11:00 baje ke baad
Us ek dibbe mein saaree auraten chadh jaatee hai
Mainne poochha hai kaee daphe twittair par offichials se,
Aapako kya lagata hai?
Auraten 11:00 baje ke baad ghar se baahar nahin nikalatee?
Iseelie laad dete hain unhen boriyon kee tarah ek doosare ke oopar.
Ya aap sochate hain ki auraton ko ghar se nikalana hee nahin chaahie?
Javaab ke naam par aaee kuchh ritveet,
Kuchh bhaaree bharakam misogyny aur ek lambee chuppee.

Us chuppee ka shor aaj tak goonjata hai
Sande kee dopahar vaalee khaalee dibbe mein
Agar aurat kee hiphaazat karana jarooree nahin
To aurat ka aavaaj uthaana galat hai kya?
Agar nirbhay hokar marana galat hai
To ghut ghut kar jeena sahee hoga kya?
Par phir raat kee lokal tren hai to apane saath dher
Saara samay laatee hai
To ek haath yahaan ek taang vahaan teeka kar
Sapane dekhane ka vakt mil hee jaata hai
Kyonki kya hai na sapanon ke to par
Hote hain
Aap khud ko chaahe jitana jakad le, sapane to aajaad hai

Photo par usake hothon ka sapana dekhana galat hai kya
Beech raat usake chhuan kee vaahima karana sahee kyon nahin
Agar kisee ek insaan se tamaam umr pyaar karana sahee hai
To amrta ka pyaar saahir ke lie galat tha
Aur agar kisee ek insaan ke aarajoo mein tadapana galat hai
To imaroj ka pyaar amrta ke lie galat tha kya
Agar khudagarjee pyaar ko khatm karatee hai to use paida kya karata hai
Agar ye duniya, duniya vaalon ke hisaab se chalatee hai
To har roj ek majanoo kyon marata hai
Agar ishq ibaadat hai to dharm ke naam par kyon batata hai
Aur agar sukoon hee chaahie to
Usase milane ko dil baar-baar kyon karata hai

Ye sahee aur galat, galat aur sahee isaka
Phaisala aakhir kaun kar sakata hai??


Tags: Sahi Aur Galat song lyrics, hindi songs lyrics, Sahi Aur Galat lyrics from movie UnErase Poetry (2019), Sahi Aur Galat hindi lyrics

Note:

Share your favourite lines from lyrics by selecting the lines and click on "FShare" button that appears.

Comments

Facebook Share