Fod Dena (Title) Lyrics

Kaise kar lete hai log aisi harkate
Yaha toh likhte hue hi
Mere haath kaap jaate hai
Aadmi hai ye, ya koi jaanwar hai junglee
Jo akeli ladki ki saas bhaap jaate hai
Par jaanwar bhi pehle maarta hai
Fir khata hai
Ye pehle nochte hai
Fir khoon karte hai
Sochta hu aise logo ke beech
Kisi ladki ke maa baap kaise kabhi bhi
Sakoon bharte hai

Jiska saath hua ye
Usne jhela kaise hoga
Mera dil to khabar sun ke
Pehle chikh bhare

Mere jibh jale
Lekin aise haalat mai
Koi kaise apne ghar mai
Beti ki umeed kare

Aise mauke par mujhe
Feel hoti lachari
Mujhrimo ko de du
Unke jurm se mai azadi

Gusse mein yaad nahi aati hai
Ye baat mujhe
Ki meri life lachari hi dikhayegi aukaat mujhe

Ki mere bas ki nahi kuch bhi
Bas likhta hu mai
Kuke mai bhi hu ek buzdil

Kya mai usko bacha pata
Agar mai hota uss din?
Shayd nahi kuke mujhe padhi hai bas khud ki

Baat mai bas apni nahi kar raha hu teri bhi
Jisne kabhi himmat dikhane mai thodi deri ki
Jis ne kabhi aage bhad ke kari nahi awwaz
Jisne sirf bheed mai hi fer li thi aankh
Jis ko pehle jaldi hoti video banane ki
Jisko pehle fikar hoti hai poore zaamne ki
Jis ko lagda hai ki koi aur pehal karega
Jis ko lagda hai hone do hume kya?

Shayad yeh darinde kabhi khatamnahi honge
Aur shayd kanoon har baar chor dega
Par agar tujhe kabhi kuch galat hota dikhe
Toh himmat ke saath jaana fod dena
…
Par agar tujhe kabhi kuch galat hota dikhe
Toh himmat ke saath jaana fod dena.